Hirap na sa paghuhula
Dinadala lang ng pasensya
Naghahanap ng kasagutan
Namumuhay sa pangarap
Ngumingiti sa mga alaala
Nagdadalamhati sa nadarama
Hinahanap ang kasiyahan
Sa lugar na hindi kaniya
Hindi kailanman naanyayaan
Ng kamahalan at karangyaan
At patuloy na inaasa ang inaasam
Sa hindi naman nakakakita
Habang patuloy na idinidikta
Ang mga naisususlat na tula
Sa hindi naman makaunawa
Hindi humihingi
Naghahanap lamang
Ng kaunting pagtutulak
At pagpapaalala
Kung ang ginagawa'y mali na
O kung may tatahakin pang pag-asa
No comments:
Post a Comment