lasing sa alamat ng kahapon
hindi mabatid kung saan maparoroon
ayaw pumayag sa bukas na kagigisnan
hindi matanggap na magsisigisingan
bukas, nariyan na si katotohanan
lumilipad sa mga ulap
walang humpay na pag-uusap
masasarap na pag kantahan
luha ay hindi mapigilan
bukas, nariyan na si katotohanan
sa dagat walang humpay na lumalangoy
kung anu-anong lugar ang naitataghoy
masarap sanang baybayin ang kalawakan
nakakalungkot na pagisipan
bukas, nariyan na si katotohanan
lumilipas ang oras sa paglalaro
kasiyahan sa puso'y hindi maitago
umiinog ang lahat sa katuwaan
ang hirap mabitawan ang kabataan
pero...
bukas, nariyan na si katotohanan
No comments:
Post a Comment