iba-iba lang talaga lahat ng tao
mabuburat ka at maiinis sa kanila
may iba nariyan lang kapag may kailangan
may iba naman sariling mundo ang iniinugan
yung iba trip mayaman, mahirap naman
yung iba tila masaya, sira ulo pala
yung iba hindi maaasahan
yung iba tila parang pampunas lang
mayroon ring mga walang sariling utak
mayroon ring hindi mo alam kung ano ang balak
may iba b.i.
may iba hindi mo alam, yun pala nbi
mayroon namang nagpapanggap na santo't santa
mayroon ring mga demonyo lang talaga
may mga nagmamarunong
may mga nagtatangatangahan lang
may mga kulang sa pansin as sigi lang sa pagyabang
may mga sobra naman sa kabaitan magtataka ka na lang
maraming magsasang-ayon sa akin, diba?
pero teka, teka lang muna
nanalamin ka na ba't naghilamos?
nilinis mo na ba iyong mga muta mo?
'yang tuyong laway mo?
'yang luga sa tenga mo?
bago tayo mangutya ng iba
manalamin muna sa umaga
No comments:
Post a Comment